5/14/2018

Letras Galegas 2018

                                               
Bibliotecas escolares de Galicia ofrécenos este cartel no que se mostran títulos da literatura infantil e xuvenil galega vinculados á obra de María Victoria Moreno, a autora homenaxeada este ano 2018.
Premendo na imaxe podedes obter máis información  e xa sabedes, a mellor maneira de homenaxear a un autor ou autora  é lendo. 
Na biblioteca tedes á vosa disposición estes libros. 
Fai clic nas portadas se queres información sobre cada libro.

     Boas lecturas!  

5/11/2018

Festa de libros a pares


No mes do libro fíxose a 3º campaña de expurgo deste curso escolar: "Festa de libros a pares". 
En principio foi creada para as familias ( do 16 ó 26 de abril) e logo, dada a demanda do alumnado por participar, creouse unha segunda campaña ( do 3 ó 11 de maio) na que o alumnado, igual que as familias,  podía levar un libro de cada lote ata un máximo de 2 pares.
Todo un éxito!
Grazas pola vosa colaboración!
Festa de libros a pares from Curuxa Catuxa on Vimeo.

4/23/2018

Así celebramos o Día do Libro

O luns, 23 de abril, celebramos o Día do Libro lendo na nosa biblioteca nun maratón de lectura. Empezamos ás 10:30h e rematamos ás 15:35h. Os libros escollidos foron: "Los músicos de Bremen" para Infantil e 1º ciclo; "Sonrisas y lágrimas" para 2º e 3º ciclo.             
Leron nenos e nenas de todos os cursos, mestres, persoal non docente e familias.
Na hora de ler fixemos un descanso para a entrega de diplomas e agasallos ó alumnado, ás mestras e ás familias máis lectoras deste curso. A mención honorífica foi para a nosa conserxe Carmen porque foi a persoa que máis contos contou e a que máis contos escoitou. 



















O comedor estaba de concerto!
Como estamos de celebración, hoxe houbo un menú especial
Bo proveito e feliz Día do Libro!!

Lecturas 23 abril

As lecturas seleccionadas para o Día do Libro foron relacionadas co tema anual: a música. Aquí tedes o recuncho musical do 23 abril.

Lecturas musicais from Curuxa Catuxa on Vimeo.

4/09/2018

Abril, mes do libro

Estas son as actividades que temos programadas para o mes de abril:
1. Pentagrama correpasillos
Tomando como punto de partida o tema deste curso, "Músicas a tutiplén", propoñemos esta actividade como nexo de unión cara unha biblioteca inclusiva. A actividade comeza en abril e remata en xuño.

Os corredores do colexio están cheos de pentagramas para compoñer, entre todos, "melodías a tutiplén" con figuras musicais, instrumentos e músicos.
Este material necesario para compoñer está á túa disposición na biblioteca.
 E, que hai que facer para conseguilo?
 LER MOITOS LIBROS 
Presta atención:
  • Por cada libro que leas entregaremos unha figura musical.
  • Por cada cinco libros lidos entregaremos un instrumento.
  • Por cada dez libros, un músico.
Todos estes materiais telos que decorar ó teu gusto e escribir neles o teu nome, título do libro e autor. Unha vez decorado e cubertos os datos, xa podes empezar a compoñer. 
E, por onde empezamos?
Pois como en calquera composición musical, despois da CLAVE DE SOL. 
2. "Festa de libros a pares"
Arrancamos coa 3º campaña de expurgo deste curso escolar.  Empeza o luns 16 de abril e remata o 27 do mesmo mes. 

3. Recuncho lecturas musicais



















4. Maratón de lectura
O vindeiro luns, 23 de abril, celebraremos o Día do Libro cun Maratón de lectura que durará todo o día. Faremos un descanso na hora de ler para a entrega de diplomas na biblioteca.
Leremos dous libros:
  • Los músicos de Bremen ( 1º-2º-3º E.P.)

  • Sonrisas y lágrimas ( 4º-5º-6º E.P.)

4/02/2018

Novidades abril

Xa están á vosa disposición as novidades deste mes. Libros de "Lectura fácil" con pictogramas.